Ég hef verið mjög latur við að kíkja hingað inn og skrifa færslur, þannig að ég fór að velta því fyrir mér hvað ég gæti mögulega gert til þess að auka notkun mína á síðunni. Þá fékk ég þá hugmynd að setja af stað símablogg á síðuna. Þannig að núna er það orðið virkt!
Fyrsta færslan sem gerð var með farsíma á þessari síðu var sjálfsmynd af mér úr gönguferð sem við Skúli fórum í mánudaginn sem leið. En við ákváðum að ganga á Vífilfell, sem er 655 metra hátt fjall í útjaðri borgarinnar. Gekk bara ansi vel og frábært útsýni af toppnum. Nú verð ég bara að vera duglegri að henda inn áhugaverðum myndum af því sem ég er að gera.
Nú er spurninginn sú hvort ríkisstjórnin sé fallin? Afsögn Ögmundar minnir margt á afsögn Björgvins G. Sigurðssonar fyrr á árinu. Þannig má velta því fyrir sér hvort ríkisstjórnin sé fallin eða ekki?
Það eru nokkrir möguleikar í stöðunni. Fyrsti er vissulega að reyna að halda áfram samstarfi og vinna að þeim málum sem þessi ríkisstjórn setti sér í upphafi. Annar möguleiki er fyrir hendi það er að ríkisstjórnin falli og það verði mynduð ný ríkisstjórn með nýjum meirihluta. Svo er það þriðji möguleikinn, að mynda svokallaða þjóðstjórn, þannig að alþingi fari að vinna allt saman að einu markmiði.
Það sem ég vil velta fyrir mér hér er í raun hverjir koma til greina til að fylla það skarð sem komið er í ríkisstjórnina við brottför Ögmundar. Ég hef lengi talað fyrir því að Dagur B. Eggertsson komi inn í þessa ríkisstjórn og tel ég mig hafa ýmsar ástæður fyrir þeirri ályktun minni. Sú atburðarrás sem ég sé fyrir mér að gæti orðið væri sú að Samfylkingin taki til sín heilbrigðisráðuneytið og láti frá sér samgönguráðuneytið. Þannig hef ég trú á að Dagur komi inn sem utanþings ráðherra á vegum Samfylkingar og Vinstri grænir taki til sín fyrrnefnt ráðuneyti og skipi mann úr sínum röðum í það ráðuneyti.
Þetta eru a.m.k. mínar hugsanir um næstu skref í þessu máli, svo framarlega að ríkisstjórnin haldi velli.
Þegar sumarið er að ganga í garð er nú aldeils gott að vera í sumarfríi. Undanfarin ár hefur maður strax byrjað að vinna eftir að síðasta prófi líkur en nú fékk ég smá frí og mun ekki byrja að vinna fyrr en á föstudaginn, þannig að þetta er mjög gott tveggja vikna frí. Markmiðið er að fara í fjallgöngu á morgun og gera eitthvað í góða veðrinu sem hefur verið undanfarna daga.
Sumarið er tíminn
þegar mér líður best…
Ég er búinn að vera að velta fyrir mér útkomunni úr þessum kosningunum. Nú er það ljóst að Samfylking og Vinstri grænir geta myndað starfhæfan meirihluta ef þeir komast að málefnalegri niðurstöðu.
Fyrir kosningar var það nokkuð ljós að Samfylking og Vinstri grænir myndu ef þeir gætu myndað meirihluta ríkisstjórn. Nú er það komð á daginn að þeir geta það, en þá er spurning hvort þeir nái saman með öll málefni. Það málefni sem þetta samstarf getur helst strandað á er evrópusambandið, ekki hafði verið mikið rætt um það fyrr en á endaspretti kosningabaráttunnar. Vinstri grænir eru alfarið á móti þessu samstarfi meðan Samfylking vill eindregið ganga inn í evrópusambandið. Samt virðist vera komin niðurstaða í þetta deilumáli, það virðist vera lendingin að kosið verið um þetta í þinginu og síðan ef samþykki fæst þar, verið farið út í eina eða tvær þjóðaatkvæðagreiðslur um þetta.
Annað sem ég hef velt fyrir mér þegar þetta samstarf er upp á borðinu er vilji flokkanna til þess að fækka ráðneytum. Ég ætla að giska á að þau verið tíu, þannig að fimm falli í hendur Vinstri grænna og fimm í hendur Samfylkingar. Í fljótubragði hef ég nokkur nöfn án ráðneya. Ég ætla að spá því að Vinstri grænir setji Steingrím, Katrínu, Ögmund, Svandísi og Atla sem ráðherraefni. Samfylking hefur úr fleira fólki að spila, þó auðvita komi einnig fleiri til greina hjá Vinstri grænum, en hjá samfylkingunni er nokkuð öruggt að Jóhanna og Össur verða með sitt ráðneytið hvort. Þeir sem eru líklegir kandítadar hjá þeim eru Skúli, Kristján, Árni og Þórunn. Einnig hef ég spáð mikið í stöðu Dags B. þar sem hann hefur mikið verið í þessum stjórnarmyndunarviðræðum. Þannig getur hann dottið inn sem ráðherra þó ég telji það frekar ólíklegt, ég hugsa að Samfylkingin haldi honum í borginni og reyni að vinna hana aftur með hann sem leiðtoga.
Þetta eru bara smá vangaveltur um hvernig þessi mál munu þróast á næstu dögum. Talað er um að þetta komi í ljós í lok vikunnar og það skrifa ég kannski aftur um þetta.
Nú hagar málum þannig, að vert er að gefa því gaum, hve stoðir Baugs standa illa.
Enn og aftur taka fjölmiðlar fólk af lífi. Í vikunni sem leið var Björn Jörundur tekinn af lífi. Þegar ég er að tala um fjölmiðla þá ætla ég að leyfa mér það að flokka ekki bara 365 fjölmiðla, RÚV og aðra sambærilega fjölmiðla, heldur einnig ætla ég að domstolar.is sem fjölmiðil þar sem það er ekkert annað en opinber fjölmiðill.
Það sem mér finnst fyrst og fremst gagnrýnis vert í þessu máli er það að nafn Björns hafi upphaflega komið á netið í tengslum við þetta mál. Samkvæmt því sem ég best veit þá er enginn sekur uns sekt er sönnuð. Þarna voru á ferð málaferli gegn manni sem talinn var sekur, en þau beindust ekki gegn Birni Jörundi, hann átti aðeins hlut að máli sem óbeint vitni, þó svo að hann hafi gerst brotlegur við lögin líka þá var það ekki það sem þetta mál fjallaði um. Þegar dómurinn var settur á netið hefði það gefið jafn góða mynd að titla hann sem viðmælanda 1 eins og að gefa upp nafnið á honum. Þetta á ekki bara við þetta eina mál, heldur er það mín skoðun að þegar svona aðstaða kemur upp þá á ekki að setja nöfn einstaklinga sem ekki tengjast með beinum hætti niðurstöðu dómsins, þ.e. ákærenda og sakborninga.
Þetta er það sem mér finnst fyrst gagnrýnis vert, síðan finnst mér einnig mjög lélegt af fjölmiðlum að blása þetta svona upp. Það á einnig ekki bara við þetta mál, stundum er gengið of langt og settir fram sleggju dóamr í fjölmiðlum og fólki bolað út úr samfélaginu á mjög skömmum tíma bara til þess að selja blöðin. Einnig er lélegt af fólki að vera mjög yfirlýsinga glatt, eins og t.d. Bubbi, þótt hann hafi sagt sjálfur ekki hafa vitað að um viðtal sé að ræða, en það er annar kafli sem ég kannski kem með sem færslu á morgun. En slíkar yfirlýsingar og komu fram í samtali við Bubba voru mjög harðar og vondar fyrir Björn Jörund.
Mín skoðun er sú að fjölmiðlar, hvort sem það er vefur dómstólanna eða fjölmiðlar sem ætla að græða á fréttum dagsins eigi að gæta meira siðferðist og vernda betur persónu fólks og ana ekki út í svona aftökur að óþörfu.
Ég hef haft sitt lítið af hverju að gera undanfarna daga, þar má nú helst nefna lasertag mót sem fram fór síðustu helgi. Þetta reyndist vera hin mesta skemmtun og mæli ég hiklaust með því að fólk skelli sér í lasertag. Þetta var sérstaklega gamann þar sem nemendafélagið fékk að halda þetta í skólanum og því mjög gamann að spila þetta á velli sem maður þekkir mjög vel.
Einnig var söng keppni NFF í gær, hún heppnaðist mjög vel og var hin ágætasta skemmtun að horfa á. Fyrsta skipti í langan tíma sem ég er ekki að taka myndir meðan á keppninni stendur. Þannig að mér fannst fínt að sitja og hlusta á keppendur syngja, en eins og alltaf voru framistöður mis góðar. Flestir sem voru þarna af alvöru voru mjög góðir, en svo voru svona “flipparar” inn á milli sem voru bara að þessu til að fíflast.
Annars er ég að vinna að mjög skemmtilegu verkefni í skólanum. Ég á að kanna rétt mótmælenda til þess að mótmæla. Þannig að það gæti komið eitthvað áhugavert út úr þeirri rannsókn. Stefni ég að því að skella því hér inn þegar því verður lokið, en ég stefni á að hafa samband við Geir Jón hjá lögreglunni til að fá þeirra hlið á þessu, sem og ætla ég að lesa mér til um þetta í lögfróðum bókum.
Evrópubandalagið hefur verið mikið í umræðunni nú í tengslum við myndun nýrrar ríkisstjórnar, enda eitt af þeim verkmum sem þessi stjórn ætlar að gera er að setja af stað þjóðarkosningu um inngöngu í ESB.
Þess vegna hef ég verið að hugleiða þetta mál efni og fór út frá því að velta því fyrir mér afhverju norðurlöndin hefðu ekki bundist slíku bandalagi. Afhverju tel ég það vera betra en ESB? Jú það sem mér finnst hljóma betur við bandalag noðurlandanna er það hve mikið þessi lönd hafa sameiginlegt. Noregur og Ísland eru til að mynda mjög lík lönd, hvað sögu, tungumál og jafn vel helstu atvinnugreinar í gegnum aldirnar.
Það sem ég myndi vilja sjá í þessu bandlagi er varlsa um sögunorðurlandanna, sameiginlega mynt – norðurlandakrónu, vernda fiskimið Noregs og Íslands. Ég hef aðeins rætt þetta við nokkra einstaklinga og þeir hafa allir fundið meira jákvætt um svona bandaleg fyrir Ísland en það að ganga til liðs við ESB.
Þetta er að vísu hugmynd sem væri mjög erfið í framkvæmd þar sem að mér skilst danir og svíar séu nú þegar í ESB og það getur verið ansi erfitt að segja skilið við ESB þegar þú ert kominn inn á annað borð. En samt sem áður mjög áhugaverð hugmynd sem ég myndi telja þess verða að skoða frekar en aðild að ESB.
Fólkið heldur enn áfram, nú er farið að mótmæla Nató. Hverju ætli verið tekið upp á að mótmæla næst? Mín skoðun er sú að það er að verða komið nóg af þessum mótmælum. Þetta er farið að lýta út fyrir mér eins og fólk sé að mótmæla einhverju, bara til þess eins að mótmæla. Má ég þá frekar óska eftir opnum málfundum á vegum einhverja af þessum mótmæla félaga þar sem fólk kemur og tekur á í pontu.
Það er kannski bara ég sem er orðinn leiður á þessu, en þetta fer að verða þreytt saga. Ekki ósvipað sögunni “Úlfur, úlfur”. Ef þessu verður haldið áfram, að fólk finni bara nýtt efni til að mótmæla, þá endar þetta eins og í sögunni. Fólk hættir að taka mark á þessu.
Annað sem mér var bent á í skólanum í þessari viku, sem ég hafði ekki hugleitt sjálfur. Allir þessir lögregluþjónar eiga fjölskyldur, jafn vel maka sem misst hafa vinnuna. Lögreglumennirnir eru svo settir í þá stöðu að verja það sem þeir vilja ekki endilega verja, svo eru þúsund manns að bögga þá, öskra á þá, hrækja og gera alvarlegar árásir svo sem með grjót kasti. Hvernig getum við réttlæt þessar gerðir fólks gagnvart lagannavörðum? Nei í alvöru þá finnst mér þetta mjög umhugsunar vert.
Síðustu ár hefur íslensku leiknu sjónvarpsefni fjölgað um talsvert. Sumt hefur verið betra en annað og misjanft hvernig efnið hittir inn. Þar má helst nefna Mannaveiðar, Svarta engla, Pressuna, Dagvaktinga og Næturvaktina. Þessir þættir hafa mælst eins og áður sagði mis vel fyrir, en þó allir verið frekar vel gerðir. Svo hafa komið fram þættir á borð við Ríkið, sem ekki hafa staðið undir væntingum. Þannig að íslensk þáttar gerð hefur verið að bætast stöðugt upp á síðkastið og nú er nýr þáttur komin til sýningar á Stöð 2, Réttur.
Réttur er fyrsta íslenska lögfræði þáttaröðin sem gerð hefur verið. Þannig að um er að ræða efni sem mikið hefur verið notað erlendis í sjónvarpsþáttum, en lítið notað hér heima. Margir töldu svona þátt ekki ganga, en nú er ég búinn að horfa á fyrstu tvo þættina og mér finnst þetta fara vel af stað. Þættirnir eru skemmtilega byggðir upp og um er að ræða c.a. tvö mál í hverjum þætti. Aðalpersónurnar eru þrjár, en þær eru allar mjög mismunandi og því gaman fyljgast með því hvernig þær eru ólíkar.
Þessir þættir eru að mínu mati frekar vel gerðir og greinilegt að það er mikið lagt í gerð þáttanna. Tónlistin er flott, grafísk vinnsla er mjög flott og svo finnst mér mjög áhugaverður húmor í þáttunum, þetta er lúmskur og svartur húmor oft á tíðum.
Þannig að ég mæli með því að þeir sem ekki hafa kynnt sér þessa þætti geri það, hvort sem það verður með því að nálgast útsendingar Stöðvar 2 einhverstaðar eða kaupa þessa þætti á DVD þegar (ég efast ekki um að þeir komi á DVD) þeir koma út.
Ég ætla að gefa þáttunum 3,5 stjörnur af 5 mögulegum.
